ရန်ကုန်ဘတ်စ်ကားဝန်ဆောင်မှု (YBS) အကြောင်း

Yangon Bus Service (အတိုကောက် YBS) သည် ၂၀၁၇ ခုနှစ် ဇန်နဝါရီလ ၁၆ ရက်နေ့တွင် ရန်ကုန်မြို့အတွက် စတင်အကောင်အထည်ဖော်ခဲ့သည့် အများပြည်သူသယ်ယူပို့ဆောင်ရေးစနစ်တစ်ခုဖြစ်သည်။ ယခင်ကရှိခဲ့သော စနစ်ဟောင်း (မထသ) ကို အစားထိုးပြီး ခရီးသွားပြည်သူများ ဘေးကင်းလုံခြုံစိတ်ချစွာ သွားလာနိုင်စေရန်၊ ယာဉ်စည်းကမ်း လမ်းစည်းကမ်းများ စနစ်တကျရှိစေရန်နှင့် မြို့တွင်းယာဉ်ကြောပိတ်ဆို့မှုကို လျှော့ချရန် ရည်ရွယ်ချက်ဖြင့် တည်ထောင်ခဲ့ခြင်းဖြစ်သည်။ လက်ရှိတွင် ရန်ကုန်တိုင်းဒေသကြီး အများပြည်သူသယ်ယူပို့ဆောင်ရေး ကြီးကြပ်မှုအာဏာပိုင်‌ကော်မတီ (YRTC) မှ စနစ်တကျ ကြီးကြပ်ကွပ်ကဲလျက်ရှိသည်။